سرکاری دواخانہ کی نئی بلڈنگ کو تعمیر ہوئے ایک سال سے زائد عرصہ ہونے کے باوجود آج تک اس کا افتتاح عمل میں نہیں آیا۔
توقع تھی کہ 7 فروری کو وزیر اعلی کرناٹک یدی یورپا کے ہاتھوں ایئرپورٹ کے ساتھ ساتھ سرکاری دواخانہ کی نئی بلڈنگ کا افتتاح بھی عمل میں آئے گا مگر افسوس کے ایسا نہیں ہوا۔
مومنٹ آف جسٹس کے جنرل سیکرٹری شیخ انصار احمد نے ای ٹی وی بھارت سے بات کرتے ہوئے بتایا کہ سرکاری دواخانہ کی عمارت کو تعمیر ہوئے ایک سال سے زائد کا عرصہ ہوچکا ہے۔مگر مقامی سیاسی قائدین کی لاپرواہی کی وجہ سے آج تک اس کا افتتاح عمل میں نہیں آیا۔
انہوں نے کہا کہ اس سو بستر والے سرکاری دواخانے کے شروع ہونے سے پرانے شہر کی عوام کے علاوہ اطراف اکناف کے دیہاتوں کی عوام کے لیے کافی سہولت ہوگی۔
انہوں نے محکمہ صحت ، انچارج منسٹر پربھو چوہان ، رکن اسمبلی بیدر رحیم خان اور ضلعی انتظامیہ سے سرکاری دواخانے کی نئی عمارت کا افتتاح جلدازجلد کرنے کی اپیل کی۔
