ریاست بہار کے ضلع کیمور میں شدید گرمی کے درمیان رمضان کے مبارک مہینے میں مسلم نوجوان باہر سے آنے والے مہاجرین کو پانی و کھانا کھلا رہے ہیں۔
ویڈیو
روزہ رکھ کر چلچلاتی دھوپ میں قومی شاہراہ پر اپنے گھروں کو لوٹ رہے مہاجر مزدروں کے لیے بے لوث خدمات کو انجام دے رہے نوجوانوں کا یہ سلسلہ ایک ہفتے سے جاری ہے۔
کچھ لوگ ٹرکوں تو بعض چھوٹی گاڑیوں کے ذریعہ اپنی منزل کی طرف رواں دواں ہیں، یہاں تک کہ بہت سارے لوگ پیدل ہی سینکڑوں میل چلنے کو مجبور ہیں۔
حکومت کی سطح پر سڑکوں کے کنارے پانی کا کوئی نظم نہیں ہے۔ ایسے میں ان پیاسے مزدوروں کے لیے یہ نوجوان کسی فرشتے سے کم نہیں ہیں۔
درجن بھر نوجوانوں نے ضلع ہیڈ کوارٹر بھبھوا سے 30 کیلو میٹر دور جا کر مزدوروں کو پانی کی بوتل کے ساتھ تربوز، خربوزہ سموسے اور متھائیاں تقسیم کر کے انسانیت کی شاندار مثال پیش کی ہے۔
