کانگریس کے ترجمان پون کھیرا نے معدنی ذخائر کی لیز میں 50 سال کے اضافہ کے فیصلے پر تنقید کرتے ہوئے کہا کہ یہ ریاستوں کے ساتھ زیادتی ہے۔
انہوں نے سوال کیا کہ حکومت نے اپنے کارپوریٹ دوستوں کو منافع پہنچانے کے لیے 358 معدنی ذخائر کی لیز میں تجدید کر رہی ہے اور اس پر کوئی آکشن نہیں کیا گیا؟
انہوں نے مزید کہا کہ آنجہانی ارون جیٹلی نے بہت پہلے ایک تلخ بلاگ لکھا تھا اور معدنی ذخائر کی نیلامی کا طریقہ کار کی طرف توجہ دلائی تھی، لیکن جیسے ہی بی جے پی اقتدار میں آئی، ویسے ہی ملک کے وفاقی اقدار کو فراموش کر دیا گیا۔
کمیونسٹ پارٹی آف انڈیا نے اپنے بیان میں مودی حکومت پر تنقید کرتے ہوئے کہا کہ ' اقتصادی مندی کے باوجود مودی حکومت اپنی حصولیابیوں کا تذکرہ کررہی ہے'۔
کمیونسٹ پارٹی آف انڈیا (سی پی آئی) نے کہا کہ جب ملک میں اقتصادی مندی سے لوگ بے حال ہیں تو حکومت اپنے 100 دنوں کی کامیابیاں بیان کرنے میں مصروف ہے اور اس کے لیے وہ جگہ جگہ تقریبات کررہی ہے۔
پارٹی کی قومی کونسل نے پیر کو جاری ایک بیان میں کہا کہ گزشتہ ایک ماہ سے جموں و کشمیر میں بحران کی صورتحال ہے اور لوگوں کے جمہوری حقوق چھین لیے گئے ہیں۔ آسام میں 20 لاکھ لوگوں کو قومی شہری رجسٹر سے ہٹا دیا گیا جس سے ان کی شہریت پر غیریقینی کی صورتحال ہے۔