دہلی کے حوض قاضی علاقہ میں اسکوٹر کھڑی کرنے کو لے کر ہوئے فرقانہ وارانہ کشیدگی کے بعد اب حالات پرامن ہے۔ آج شوبھا یاترا کےدوران مسلمانوں نے فرقہ وارانہ ہم آہنگی کی مثال پیش کرتے ہوئے غیر مسلم بھائیوں میں کھانا تقسیم کیا۔
واضح رہے کہ آج حوض قاضی علاقہ میں شوبھا یاترا کے نکالنے کو لے کر علاقے میں حفاظتی انتظامات سخت کر دیئے گئے تھے اور پولیس فورس کو تعینات کردیا گیا تھا۔لیکن مسلمانوں نے فرقہ وارانہ ہم آہنگی کی مثال پیش کرتے ہوئے الگ الگ علاقوں میں شوبھا یاترا میں شامل لوگوں کو کھانا تقسیم کیا۔
اس عمل کو غیر مسلمانوں نے کافی پسند کیا اور مسلمانوں کے اس کار خیر کی تعریف کی۔
