اترپردیش کے وزیراعلی یوگی آدتیہ ناتھ نے کورونا وائرس کی چین کو توڑنے کے لئے ریاست میں پابندیوں کو پھر سے ہر سنیچر اور اتوار کو نافذ کرنے کا فیصلہ کیا ہے۔
یوگی نے اتوار کو ٹیم 11 کی باقاعدہ میٹنگ میں ریاست کے وزرا اور سینئر حکام کے ساتھ غور و خوض کرنے کے بعد اس ضمن میں فیصلہ کیا۔
اطلاعات کے مطابق اب سبھی بازار پیر سے جمعہ تک کھلیں گے اور وہ دو دنوں کےلئے بند رہیں گے۔ یہ پابندی جمعہ کی رات سے شروع ہوگی اور ہر ہفتے پیر کی صبح ختم ہوگی۔
اترپردیش حکومت نے ریاست میں جمعہ کی رات دس بجے سے 55 گھنٹے کا لاک ڈاؤن نافذ کیا ہے۔
حکومت نے 55 گھنٹے کے لاک ڈاؤن کے بعد اب ہر ہفتے دو دن کا لاک ڈاؤن کرنے کا فیصلہ کیا ہے۔ منی لاک ڈاؤن کے تحت ریاست میں اب صرف پانچ دن دفتر اور بازار کھلیں گے۔
اس کے تحت ضروری خدمات کو چھوڑ کر اب سب بند رہے گا۔ کورونا وائرس انفیکشن کے سلسلے میں اترپردیش حکومت نے اب بڑا فیصلہ کیا ہے۔
