وزیر شہری پرواز ہردیپ سنگھ پوری نے آج ایک آن لائن ریلیز میں بتایا کہ سات سے 13 مئی کے درمیان بارہ ممالک میں پھنسے تقریبا 14,800 لوگوں کو 64 خصوصی پروازوں سے ہندوستان لایا جائے گا۔ ان مسافروں کو آنے کے بعد چودہ دنوں تک لازمی کورنٹائن کے اخراجات بھی خود ادا کرنے ہوں گے۔
یہ سوال پوچھے جانے پر کہ جو لوگ کووڈ۔19 وبا کی وجہ سے تین چار مہینے سے بیرون ممالک میں بے روزگار ہیں اور ان کے پاس اتنا پیسہ نہیں ہے کہ وہ ہوائی سفر کے اخراجات اٹھا سکیں تو ان کے بارے میں کوئی منصوبہ ہے، پوری نے کہا کہ 'بیرون ممالک میں رہنے والے ان لوگوں کا معاملہ الگ ہے جن کے پاس رہنے کا نظم نہیں ہے اور جن کی معاشی حالت سنگین ہے۔ لیکن ابھی اگر ہم یہ اعلان کر دیں کہ سبھی پروازیں مفت ہیں تو کئی ایسے لوگ جو کرایہ اد ا کر سکتے ہیں وہ بھی اس کا فائدہ اٹھائیں گے۔ آپ جن کی بات کررہے ہیں ان کو دیکھا جائے گا، اس سلسلے میں جواب دینا میرے ذمہ داری کا حصہ نہیں ہے۔'
واضح رہے کہ پوری وزیر صحت ڈاکٹر ہرش وردھن کی صدارت والے اس وزرائے کے گروپ کے بھی رکن ہیں جو کووڈ۔19 کے سلسلے میں صورت حال کی نگرانی کر رہے ہیں اور سبھی اہم فیصلے لے رہے ہیں۔
