وزیر اعظم مودی نے کہا ہے کہ غریب کلیان ان یوجنا کے تحت 80کروڑ افراد کو فائدہ ملے گا۔ وزیرا علیٰ ممتا بنرجی نے کہا کہ ہماری حکومت نے غریب افراد کو مفت میں راشن اسکیم کو جون 2021 تک توسیع کرنے کا فیصلہ کیا ہے۔
ممتا بنرجی نے کہا کہ مفت میں راشن کی اسکیم کے دائر ے کو صرف غریب افراد تک محدود رکھنے کے بجائے ملک کی تمام آبادی کو مہیا کرائی جائے۔وزیرا عظم مودی نے قوم سے خطاب کرتے ہوئے کہا کہ اگلے پانچ مہینے تک مفت میں راشن اسکیم پر 90 ہزار کروڑ روپے خرچ کئے جائیں گے۔
وزیر اعظم مودی نے کہا کہ اگلے پانچ مہینے نومبر تک 80کروڑ افراد کو مفت میں راشن فراہم کئے جائیں گے۔ممتا بنرجی نے آن لاک 2.0کیلئے گائیڈ لائن جاری کرتے ہوئے کہا کہ غیر کنٹیمنٹ زون میں کچھ مزید رعایت دی جائیں گی۔تاہم وزیرا علیٰ ممتا بنرجی نے پولس انتظامیہ کو ہدایت دی کہ کنٹمینٹ زون میں لاک ڈاؤن کو سختی سے نافذ کیا جائے۔
