زیرک پور کے پیرمچہلا میں دو منزلہ کامرشیئل بلڈنگ کی تیسری منزل کا لنٹر ڈالتے وقت اچانک گر گیا۔ جس میں کام کر رہے کئی مزدور زخمی ہوگئے اور اب بھی کئی مزدوروں کے اس میں دبے ہونے کی خبر ہے۔
رات کے وقت یہ حادثہ پیش آیا اور اسی وقت سے بچاؤ اور راحت رسانی کا کام جاری ہے۔ وہیں تین زخمی مزدوروں کو پنچکلا کے سول ہسپتال میں منتقل کرا گیا۔
حادثے کی خبر ملتے ہی ڈی ایس پی ڈیرابسی گربخشیش سنگھ اور اس ایچ او ڈکولی سمت مور پولیس اور فائر برگیڈ کے عملے کی ٹیم لیکر موقع واردات پر پہنچے۔ فائر برگیڈ کے عملے نے ملبہ ہٹا کر کئی مزدوروں کو ریسکیو کیا۔
وہیں موقع پر پہنچیں نگر کاؤنسل کے ایم ای مکیش رائے نے بتایا کہ بلڈنگ میں تیسری منزل کا کام غیرقانونی طریقے سے کیا جا رہا تھا۔ اس کے لئےکاؤنسل کی طرف سے بلڈنگ مالک کو نوٹس دیا جا چکا ہے۔ بلڈنگ کا کام نقشے کے مطابق نہیں کیا گیا ہے۔
تیسری منزل کا لنٹر بغیر مناسب پیلر اور سپورٹ کے کیا جا رہا تھا جس کی وجہ سے لنٹر دوسری منزل پر جا گرا اور دوسری منزل کی چھت بھی اسی کے ساتھ ہی زمین بوس ہوگئی۔
عمارت میں اس وقت کم از کم دس مزدور کام کر رہے تھے۔ مزدور کیلاش نے جان بچانے کے لیے اوپر سے ہی چھلانگ لگا دی۔ جس وجہ سے اسے کافی چوٹیں آئی ہیں۔
مزید تفصیلات کا انتظار ہے۔
