تلنگانہ حکومت نے اتوار کے روز کنٹینمنٹ زونس میں لاک ڈاؤن میں 30 جون تک توسیع کردی لیکن لوگوں کی بین ریاستی نقل و حرکت پر پابندی ختم کردی۔
کنٹینمنٹ زون میں اس وقت نافذ کچھ پابندیاں 7 جون تک برقرار رہیں گی۔ تلنگانہ کے وزیر اعلی کے چندرشیکھر راؤ نے چیف سکریٹری سومیش کمار، ڈی جی پی مہندر ریڈی اور دیگر اعلی عہدیداروں سے تبادلہ خیال کے بعد لاک ڈاؤن میں توسیع کا اعلان کیا۔
اس دوران مرکزی حکومت نے کوویڈ ۔19 لاک ڈاؤن کے بارے میں نئی ہدایات جاری کیں۔ راؤ نے متعلقہ عہدیداروں کو کنٹینمنٹ زون میں لاک ڈاؤن کو سختی سے نافذ کرنے کی ہدایت کی ، ایک سرکاری بیان میں کہا گیا ہے کہ رات کے وقت کرفیو کو روزانہ شام 9 بجے سے شام 5 بجے تک لاگو کیا جائے گا۔ دکانوں کو صرف 8 بجے تک کھلے رہنے کی اجازت ہوگی ۔ راؤ نے مزید کہا کہ بین ریاستی سفر پر کوئی پابندی نہیں ہوگی۔
