منی پور میں کورونا وائرس کے پھیلاؤ کو روکنے کے پیش نظر لگائے گئے لاک ڈاؤن کو 15 دنوں کے لیے (ایک جولائی سے 15 جولائی تک)بڑھانے کا فیصلہ کیا گیا ہے۔
منی پور کے وزیراعلی این بیرین سنگھ نے اتوار کو اعلان کیا۔
مسٹر سنگھ نے وزیراعلی سکریٹریٹ میں میڈیا سے خطاب کرتے ہوئے کہا کہ حکومت نے ایک جولائی سے بین ضلعی بس سروس کو شروع کرنے کا فیصلہ بھی کیا ہے۔
واضح رہے کہ منی پور میں کورونا متأثرین کی مجموعی تعداد 1092 تک پہنچ گئی ہے جس میں سے 660 فعال کیسز ہیں، وہیں اس وبا سے اب تک 436 افراد صحت یاب بھی ہوچکے ہیں۔
