کرناٹک کے وزیر اعلی بی ایس یدیورپا نے پیر کو کہا کہ قوم کو کورونا وائرس کے ساتھ رہنا سیکھنا پڑے گا کیونکہ اس کے علاوہ کوئی آپشن نہیں ہے۔یدیورپا نے ودھان سودھا میں ایک تقریب میں بابو جگجیون رام کو ان کی برسی کے موقع پر خراج عقیدت پیش کرنے کے بعد ریمارکس کیے۔
انہوں نے کہا کہ ہمارے پاس کوئی دوسرا آپشن نہیں ہے ، ہمیں اس وائرس سے جینا سیکھنا ہوگا۔ یہاں تک کہ وزیر اعظم نریندر مودی نے بھی یہی کہا ہے۔ ہم نے ایمبولینسوں میں اضافہ کیا ہے ، ہم نے وبائی امراض سے لڑنے کے لئے تمام تر انتظامات کیے ہیں، یہ بہت ضروری ہے۔
وزیر اعلی نے مزید کہا کہ ریاستی حکومت نے وسیع پیمانے پر بیماری سے نمٹنے کے لئے بہت سے انتظامات کیے ہیں۔ مرکزی وزارت صحت کے مطابق ریاست میں کووڈ 19 کے 23 ہزار 473 کیسس ہیں اور اس بیماری کی وجہ سے 372 افراد لقمہ اجل بن چکے ہیں۔
