کولگام: چینگام کھار ٹینگ میں تصادم کے دوران دو عسکریت پسند ہلاک

اطلاعات کے مطابق فورسز کی مشترکہ ٹیموں کے مشتبہ مقام پر پہنچتے ہی وہاں پہلے سے ہی چھپے عسکریت پسندوں نے ان پر فائرنگ کردی، جس سے انکاؤنٹر کا آغاز ہوگیا۔

جموں و کشمیر کے ضلع کولگام کے یاری پورہ علاقے کے گاؤں چینگام کھار ٹینگ میں عسکریت پسندوں اور سکیورٹی فورسز کے درمیان تصادم میں دو عسکریت پسندوں کے ہلاک ہونے کے اطلاع ہے۔

ہفتہ کی رات جنوبی کشمیر کے ضلع کولگام کے یاری پورہ کے گاؤں چینگام کھار ٹینگ میں عسکریت پسندوں اور سیکیورٹی فورسز کے درمیان فائرنگ کا تبادلہ ہوا۔

تفصیلات کے مطابق پولیس، فوج کی پہلی راشٹریہ رائفل اور سی آر پی ایف کی مشترکہ ٹیم نے علاقے میں عسکریت پسندوں کی موجودگی کے بارے میں اطلاع ملنے پر علاقے کا محاصرہ کر کے سرچ آپریشن شروع کردیا۔ فورسز کی مشترکہ ٹیموں کے مشتبہ مقام پر پہنچتے ہی وہاں پہلے سے ہی چھپے عسکریت پسندوں نے ان پر فائرنگ کردی، جس سے انکاؤنٹر کا آغاز ہوگیا۔ سکیورٹی فورسز علاقے میں سرچ آپریش چلا رہی ہے۔

تصادم کے دوران دو عسکریت پسند ہلاک

کولگام میں انٹرنیت خدمات کو فی الحال معطل رکھا گیا ہے۔