گوایئر ایرلائنز نے کہا کہ آصف خان نامی ٹرینی پائلٹ کو متنازع اور نفرت آمیز تویٹز کرنے کی وجہ سے معطل کیا گیا ہے۔ تاہم گو ایئر نے یہ بھی کہا کہ چونکہ پائلٹ نے ان ٹویٹز کی تصدیق نہیں کی اس لیے اس معاملے کی تحقیقات کی جارہی ہے تب تک مذکورہ پائلٹ خدمات سے دور رہیں گے۔
کمپنی نے بتایا کہ پایلٹ آصف خان کو ابھی صرف معطل کیا گیا ہے۔ انہیں نوکری سے نکالا نہیں کیا گیا ہے اور اس معاملے کی تحقیقات ہو رہی ہے۔
ایک ہفتہ قبل ایک تنازع کھڑا ہوگیا تھا جب خان کے سوشل میڈیا اکاونٹ سے متنازع ٹویٹ کیے گئے۔ اس ضمن میں گو ایئر نے کہا کہ اس معاملے میں کمپنی کی زیرو ٹالرنس پالیسی ہے۔
گو ایئر کے ترجمان نے پیر کو ای ٹی وی سے بات کرتے ہوئے کہا کہ مذکورہ پائلٹ نے کمپنی کو بتایا کہ ان کا ٹویٹر اکاونٹ کسی نے ہیک کرتے ہوئے قابل اعتراض ٹویٹز کیے۔
گو ایئر نے بتایا کہ تحقیقات کے مکمل ہونے تک خان معطل رہیں گے۔
آصف خان نے بتایا کہ انہوں نے کوئی قابل اعترض ٹویٹ نہیں کیا، پائلٹ نے مزید کہا کہ ان کے ہمنام شخص نے انہیں ان کی ماں اور بہن کو قتل کرنے اور ریپ کرنے کی دھمکی دی ہے اور اسی نے ہندو دیوتاوں کو برا بھلا کہا ہے۔
