وزیر اعلی پنارائی وجین نے کہا کہ منگل کو کابینہ کے خصوصی اجلاس کے بعد یہ فیصلہ کیا گیا ہے کہ حکومت کیرالہ کے گورنر کو دفعہ 118 اے کو منسوخ کرنے کے لئے ایک آرڈیننس جاری کرنے کی سفارش کرے گی۔
وزیر اعلی نے کہا کہ بہت سارے لوگوں نے یہ خدشہ ظاہر کیا ہے کہ اس قانون سے پولیس کو زیادہ طاقت ملنے کے سبب اس قانون کے غلط استعمال کے امکانات موجود ہیں۔ وزیر اعلی نے ایک بیان میں کہا کہ "ہم لوگوں کی رائے کو قدر کی نگاہ سے دیکھتے ہیں اور خدشات کی وجہ سے اسے واپس لینے کا فیصلہ کیا ہے۔'
وجین نے مزید کہا کہ اسمبلی میں تفصیلی بحث و مباحثے اور تمام فریقوں کی رائے اکٹھا کرنے کے بعد ہی ایک نیا قانون منظور کیا جائے گا۔
کیرالہ حکومت نے سوشل میڈیا کے ذریعہ وسیع پیمانے پر بدنیتی پر مبنی مہمات کی روک تھام کے لئے کیرالہ پولیس ایکٹ میں ترمیم کا فیصلہ کیا تھا۔ اور آرڈینینس منظور کیا تھا۔ کیرالہ کے گورنر عارف محمد خان نے ہفتے کے روز متنازع آرڈیننس پر دستخط بھی کیے تھے۔
مگر مخلتف گوشوں نے اس قانون کے غلط استعمال انفرادی آزادی اور وقار کا خطرہ بتایا اوراس کی مخالفت کی۔
