وزیر ہوا بازی ہردیپ سنگھ پوری نے کیرالہ طیارہ حادثہ میں جاں بحق افراد کے لواحقین کو 10 لاکھ روپے، شدید زخمیوں کو 2-2 لاکھ اور معمولی زخمی ہونے والے افراد کو 50000 روپے کی عبوری امداد کا اعلان کیا ہے۔
کیرالہ کے گورنر عارف محمد خان اور وزیر اعلی پنارائی وجین نے کوزیکوڈ میڈیکل کالج ہسپتال کا دورہ کیا جہاں زخمی مسافروں کو داخل کرایا گیا ہے۔
ایئر انڈیا کا بوئنگ 737 طیارہ کیرالہ کے کوزیک کوڈ کے کری پور ایئرپورٹ پر لینڈنگ کے دوران پھسل کر حادثے کا شکار ہوگیا۔ اس حادثے کے عینی شاہد، سنٹرل انڈسٹریل سیکیورٹی فورس کے اے ایس آئی اجیت سنگھ نے بتایا 'میں نے ایئر انڈیا ایکسپریس کی پرواز پیرامیٹر روڈ کی طرف گرتے ہوئی دیکھا'۔
وہیں کیپٹن ڈی وی ساٹھے کی والدہ نیلہ ساٹھے نے بتایا کہ ان کا بیٹا ایک عظیم بیٹا تھا، وہ ہمیشہ دوسروں کی مدد کرنے کے لئے تیار رہتا تھا۔ اس کے اساتذہ اب بھی ان کی تعریف کرتے ہیں۔
مزید پڑھیے: کیرالہ میں طیارہ حادثہ کی جانچ کا حکم
بتا دیں کہ کیپٹن ڈی وی ساٹھے بھارتی فضائیہ میں ونگ کمانڈر تھے۔ ایئر انڈیا میں شمولیت سے قبل وہ بھارتی فضائیہ میں تجرباتی ٹیسٹ کے پائلٹ تھے۔
