جے ڈی یو دفعہ 370 کی منسوخی کے خلاف

مرکزی وزیرداخلہ امت شاہ نے آج راجیہ سبھا میں کشمیر کو خصوصی درجہ دینے والی دفعہ 370 کو ہٹانے کی سفارش کی، جس کے بعد مختلف سیاسی جماعتوں کی طرف سے مخالفت اور حمایت شروع ہو گئی ہے۔

جے ڈی یو کے جنرل سکیرٹری اور رکن پارلیمان کے سی تیاگی نے کہا کہ وہ چاہتے ہیں کہ جموں و کشمیر کو خصوصی حیثیت عطا کرنے والی دفعہ 370 کو منسوخ نہ کیا جائے۔

انہوں نے کہا کہ بی جے پی ایک جمہوریت پسند پارٹی ہے، اسی طرح جے ڈی یو بھی ایک جمہوریت پسند پارٹی ہے۔ یہ فیصلہ بی جے پی کا ہے، این ڈی اے کانہیں۔

کے سی تیاگی نے کہا کہ ان کے سربراہ نتیش کمار جے پی نارائن، رام منوہر لوہیا اور جارج فڑنانڈیس کی روایت کو آگے بڑھا رہے ہیں، اس لیے ان کی راجیہ سبھا میں پیش کیے گئے بل کی حمایت نہیں کرتی ہے۔

اس سے قبل کے سی تیاگی نے کہا تھا کہ جے ڈی یو اپنے موقف پر قائم ہے، وہ 370 کو ہٹانے کی حمایت میں نہیں ہے۔