جموں و کشمیر پردیش کانگریس کمیٹی نے حملہ کی مذمت کرتے ہوئے قاتلوں کو سخت سے سخت سزا دینے کا مطالبہ کیا ہے۔ مزید پارٹی نے ہلاک شدگان کے اہل خانہ کے ساتھ اظہار تعزیت کی۔
وہیں دوسری جانب جموں وکشمیر پیپلز ڈیموکریٹک پارٹی کی صدر و سابق وزیر اعلی جموں و کشمیر محبوبہ مفتی نے بھی ٹوئٹ کیاکہ' کشمیر میں مسلسل تشدد برھتا جا رہا ہے، انہوں نے ہلاک شدگان کے اہل خانہ کے ساتھ تعزیت کا اظہار کیا۔
مزید پڑھیں:
کشمیر: بی جے پی کے ریاستی کارگزار رُکن شیخ وسیم باری ہلاک
واضح رہے کہ نامعلوم بندوق برداروں نے بی جے پی کے ریاستی کارگزار رُکن وسیم احمد باری کی رہائش گاہ کے باہر حملہ کیا جس کے نتیجے میں وسیم باری ان کے والد بشیر احمد اور اس کے بھائی عمر بشیر شدید زخمی ہوئے تھے، تینوں کو فوری طور پر ہسپتال منتقل کیا گیا جہاں ڈاکٹرز نے انہیں مردہ قرار دیا۔ وسیم باری کی رہائش گاہ پولیس اسٹیشن کے قریب میں واقع ہے۔
