یونیورسٹی کے ذریعہ بھیجے گئے بل کے مطابق دہلی پولیس کے ذریعے گزشہ برس 15 دسمبر کو احاطے اور لائبریری میں جو توڑ پھوڑ کی گئی تھی اس سے تقریبا دو کروڑ 66 لاکھ 16 ہزار 390 روپے کی عوامی ملکیت کو نقصان پہنچا ہے۔
اس بل کے ساتھ منسلک خط میں انتظامیہ نے کہا ہے کہ سیکورٹی اہلکار بغیر اجازت کیمپس میں داخل ہوئے اور لاٹھی، ڈنڈوں سے طلبا پر حملہ کر دیا اتنا ہی نہیں ملکیت کو نقصان بھی پہنچایا۔
قابل ذکر ہے کہ گزشتہ کچھ دنوں میں جامعہ کیمپس اور لائبریری کے کئی ایسے ویڈیوز اور سی سی ٹی وی فوٹیج سامنے آئے ہیں جس میں پولس اہلکار طلبا پر لاٹھی چارج کرتے ہوئے نظر آ رہے ہیں اور ان ویڈیوز میں یونیورسٹی کی ملکیت کو نقصان پہنچتا ہوا بھی نظر آ رہا ہے۔
خاص طور سے ویڈیو میں لائبریری میں لگے سی سی ٹی وی کیمروں پر ہاتھ سے مارے جانے کا فوٹیج بھی سامنے آیا ہے، اس سلسلے میں جامعہ انتظامیہ کا کہنا ہے کہ 15 اگست کو تقریباً 25 سی سی ٹی وی کیمروں کو نقصان پہنچا جن کی قیمت 4.75 لاکھ ہے۔
حالانکہ دہلی پولیس ان الزامات کی تردید کر رہی ہے، دہلی پولیس کا کہنا ہے کہ جو ویڈیوز جاری کی گئی ہیں ان میں سے کچھ ویڈیوز سے چھیڑ چھاڑ کی گئی ہے۔
