گزشتہ روز دار الحکومت دہلی میں موبائل انٹرنیٹ خدمات کو سکیورٹی کی وجوہات کی بنیاد پر دن بھر کے لیے بند کردیا گیا تھا لیکن اب موبائل انٹرنیٹ خدمات بحال کردی گئی ہیں۔
ملک بھر میں اور خصوصی طور پر ہریانہ اور دہلی کی سرحدوں پر کسانوں کی جانب سے زرعی قوانین کے خلاف احتجاج جاری ہے۔ یہی وجہ ہے کہ 72ویں یوم جمہوریہ کے موقع پر دار الحکومت دہلی کے ساتھ ساتھ اطراف و مضافات میں موبائل انٹرنیٹ خدمات کو معطل ومسدود کردیا گیا تھا۔ انٹرنیٹ مسلسل بند رہنے کے سبب لوگوں کو کافی دقتوں کا سامنا کرنا پڑرہا تھا۔
تاہم اب حالات معمول پر آنے کے بعد اب موبائل انٹرنیٹ خدمات بحال کردی گئی ہیں۔ واضح رہے کہ چند ناگزیر وجوہات کے سبب اور سیکیورٹی صورتحال کے پیش موبائل انٹرنیٹ خدمات کو بند کردیا جاتا ہے جس سے صارفین کو مزید مشکلات کا سامنا کرنا پڑتا ہے۔
