بھارت اور نیپال میں نافذ کردہ لاک ڈاؤن کی وجہ سے تین مہینے سے پینشن نہیں ملنے سے پریشان نیپالی پینشنروں کو بڑی راحت ملی ہے۔نیپالی پینشنروں کے لیے تین دن تک بین الاقوامی جھولا پل کھول دیئے جائٰیں گے۔وہیں آٹھ سے دس جولائی تک دھارچولا، جولجیبی اور جھولاگھاٹ کے پلوں کو کھولا جائے ۔اس دوران دیگر لوگوں کی نقل و حرکت پر مکمل طور پر پابندی رہے گی۔
واضح رہے کہ فوج سمیت دیگر محکمہ سے سبکدوش ہونے والے نیپال کے ہزاروں لوگ بین الاقوامی پل کے بند ہوجانے کی وجہ سے بھارتی بینکوں سے پینشن نہیں لے پا رہے تھے۔
بھارتی بینکوں سے پینشن لینے والے نیپالی پینشنروں کے لیے آج (بدھ) سے تین دن کے لیے بین الاقوامی جھولا پل کو کھولا جائے گا۔نیپال سے آنے والے پینشنروںکے لیے صبح9 سے 1 بجے تک جھولا پل کھولیں جائیں گے۔جبکہ 3 بجے سے شام 6 بجے تک واپس جانے کے لیے پل کھولیں جائیں گے۔اس کے علاوہ جھولا پلوں پر محکمہ صحت کی ٹیم کو بھی تعینات کیا گیا ہے کہ تاکہ نیپال سے آنے والے سبھی پینشنروں کی اسکریننگ کی جاسکے۔
واضح رہے کہ بھارت کی گورکھا ریجیمنٹ سمیت مختلف محکموں میں ہزاروں نیپالی پینشنر ایسے ہیں، جو پینشن کے لیے بھارتی بینکوں پر انحصار کرتے ہیں۔کورونا دور میں دونوں ممالک کے درمیان جھولا پل کے بند ہوجانے کی وجہ سے لوگوں کو معاشی بحران کا سامنا کرنا پڑ رہا تھا۔نیپالی پینشنروں کی درخواست پر بھارت اور نیپال انتظامیہ نے پل کو کھولنے کی اجازت دے دی ہے۔
