چین کی جانب سے جاری بیان میں کہا گیا ہے کہ بھارت سے بات چیت کی جا رہی ہے۔ وہ تناؤ نہیں چاہتا ہے۔ تاریخ میں اگر ہم جھانکیں تو ہمیں پتہ چلے گا کہ 45 برس بعد ایل اے سی پر پرتشدد تصادم ہوا ہے۔ جس میں فوجی اہلکار کی ہلاکت ہوئی ہے۔
بھارتی فوج کے ذرائع کے مطابق تناؤ کم کرنے کے لیے میجر سطح کے افسران بات کر رہے ہیں۔
بھارت اور چین کی افواج کے درمیان ایک بار پھر سے حالات کشیدہ ہوگئے ہیں۔ ۔ تازہ واقعے میں ایک آفیسر سمیت دو جوان ہلاک ہونے کی اطلاع ہے۔
چین کی جانب سے جاری ایک بیان میں کہا گیا ہے کہ وہ سرحد پر کشیدگی نہیں بڑھائے گا۔ وہ بھارت سے بات چیت کرکے اس تنازع کو حل کرنے کی سمت میں کام کر رہا ہے۔
شروعاتی اطلاع کے مطابق پیر کی دیر شب دونوں ملکوں کی افواج کے درمیان گلوان وادی میں پرتشدد تصادم ہوا۔ جس میں ایک فوجی افسر اور دو جوان ہلاک ہوگئے۔ فوجی افسر کا تعلق تمل ناڈو کے رام ناتھ پورم کا بتایا جا رہا ہے۔
