'چند برسوں میں بھارت کی آبادی چین سے زیادہ ہو جائے گی'

اقوام متحدہ کی ایک رپورٹ کے مطابق بھارت آئندہ آٹھ برسوں میں دنیا کا سب سے زیادہ آبادی والا ملک بن جائے گا اور چین کو پیچھے چھوڑ دے گا۔

اسی دوران 50-2019 تک چین کی آبادی 2.2 فیصد کم ہوجائے گی۔

اس رپورٹ کے مطابق اندازہ لگایا جارہا ہے کہ 2050 تک دنیا کی آبادی میں 2 ارب تک کا اضافہ ہو سکتا ہے۔ اس کے علاوہ، بھارت کے ساتھ دوسرے آٹھ ممالک دنیا کی آبادی کا نصف حصہ ہوں گے۔

نو ممالک میں بھارت، نائجیریا اور پاکستان پہلے تین ممالک میں شامل ہیں جو دنیا کی آبادی میں سب سے زیادہ اضافہ ظاہر کریں گے۔