مرکزی وزیر رام داس اٹھاولے نے اتوار کے روز کہا کہ انڈر ورلڈ ڈان داؤد ابراہیم کی بھارت حوالگی کے لیے پاکستان حکومت پر دباؤ ڈالے۔
رام داس اٹھاولے نے کہا کہ ابراہیم جیسے مجرم پھانسی کے مستحق ہیں۔
مرکزی وزیر مملکت برائے سماجی انصاف نے ایک بیان میں کہا کہ ' بھارتی حکومت کو داؤد ابراہیم کے حوالے سے متعلق پاکستان حکومت پر دباؤ ڈالا جانا چاہئے کیونکہ وہ ممبئی میں 1993 میں ہونے والے سلسلہ وار دھماکوں کا ماسٹر مائنڈ تھا۔'
یہ بھی پڑھیں
پاکستان نے داؤد کے ملک میں ہونے کی بات سے انکار کر دیا
انہوں نے مزید کہا ' اب تک پاکستان نے کبھی اعتراف نہیں کیا تھا کہ وہ اتنے سالوں سے اسے پناہ دے رہا ہے۔'
انہوں نے کہا کہ ' میں اس کے بارے میں مرکزی وزارت داخلہ کو ایک خط لکھنے جا رہا ہوں۔ داؤد جیسے مجرموں کو پھانسی دینی چاہئے۔'
پاکستان نے جمعہ کے روز 88 ممنوعہ دہشت گرد گروہوں اور ان کے رہنماؤں پر سخت مالی پابندیاں عائد کردی تھیں جن میں داؤد ابراہیم 26/11 ممبئی حملہ کا ماسٹر مائنڈ اور جماعت الدعو ((جے یو ڈی) کے سربراہ حافظ سعید اور جیش محمد (جی ایم) کے سربراہ مسعود اظہر شامل تھے۔
