گزشتہ 24 گھنٹوں کے دوران بھارت میں کورونا سے متاثر 11،458 نئے مریضوں کی تصدیق ہوئی ہے اور 386 مریضوں کی اموات درج کی گئی ہے۔
وزارت صحت کی جانب سے جاری کردہ اعداد و شمار کے مطابق ملک بھر میں اب کووڈ-19 سے متاثر مریضوں کی تعداد 3،08،993 ہوگئی ہے جبکہ 1،54،330 مریض اس وائرس کو ہرانے میں کامیاب بھی ہوئے ہیں۔ اس مہلک وبأ سے اب تک 8884 افراد جانیں تلف ہوئی ہیں۔
اس وبأ سے سب سے زیادہ متاثر ریاست مہاراشٹر ہے جہاں کورونا وائرس کے ایک لاکھ سے 11 ہزار سے زائد کیسز درج کیے گئے ہیں اور 3717 مریض ہلاک ہوئے ہیں۔
اس معاملے میں دوسرے نمبر پر جنوبی ریاست تامل ناڈو ہے جہاں کووڈ-19 کے 40،698 کیسز درج کیے گئے ہیں اور دارالحکومت دہلی تیسرے نمبر ہے یہاں اس وبأ سے اب تک 36،824 افراد متاثر ہوئے ہیں۔
واضح رہے کہ کووڈ-19 کے سبب نافذ کردہ لاک ڈاؤن نافذ کیا تھا لیکن مرکزی و ریاستی حکومت نے لاک ڈاؤن میں دھیرے دھیرے رعایت دی تاکہ اقتصادی سرگرمیاں شروع ہوسکے لیکن اس کے بعد سے کورونا وائرس کے مریضوں میں مسلسل اضافہ دیکھنے کو مل رہا ہے۔
