ریاست کرناٹک کے ضلع یادگیر میں بی جے پی پارٹی کے ضلعی دفتر میں 74 ویں یوم آزادی تقریب کا انعقاد عمل میں آیا۔
اس موقع پر بی جے پی پارٹی کے ضلع یادگیر کے صدر ڈاکٹر شرن بھوپال ریڈی نے رسم پرچم کشائی انجام دی۔
اس موقع پر رکن اسمبلی وینکٹ ریڈی، سابقہ رکن اسمبلی یادگیر ڈاکٹر ویر بسنت ریڈی، رکن بلدیہ للیتا انپور کے علاوہ بی جے پی پارٹی کے دیگر قائدین وہ اراکین پارٹی موجود تھے۔
اس موقع پر ضلع بی جے پی صدر ڈاکٹر شرن بھوپال ریڈی نے کہا ہے کہ 'آزادی کے 74 برس بعد آج بھی ہمیں مختلف مسائل کا سامنا کرنا پڑ رہا ہے۔ ملک کی ترقی کے لئے متحدہ طور پر سوچ رکھنا اور کام کرنا نہایت ضروری ہے'۔
انہوں نے کہا کہ 'ملک کے موجودہ حالات میں مرکزی و ریاستی حکومت عوامی فلاح و بہبود کے لیے جو کام کر رہی ہیں، وہ قابل قدر ہے'۔
ڈاکٹر شرن بھوپال ریڈی نے مزید کہا ہے کہ 'خاص کر کورونا وائرس کی روک تھام کے لئے ریاستی حکومت نے جو اقدامات کئے ہیں وہ ستائش کے قابل ہیں'۔
