اس لیے ریاستی حکومت کی جانب سے تقریباً تمام اضلاع میں حج سویدھا کیندر کھولا جائے گا تاکہ عازمین حج کو آسانی ہوسکے۔
حج کمیٹی آف انڈیا، ممبئی نے حج 2020 کے لئے نئی گائیڈ لائن کے مطابق سبھی عازمین کو اپنے فارم آف لائن نہیں بلکہ آن لائن بھرنے ہوں گے۔
یوپی اسٹیٹ حج کمیٹی میں آج اس کا افتتاح چیف سکریٹری منوج سنگھ نے کیا۔
چیف سکریٹری نے ای ٹی وی بھارت سے بات چیت کے دوران بتایا کہ اس طرح کے سینٹرز سبھی اضلاع میں کھولے جا رہے ہیں۔ جس کی شروعات لکھنؤ میں آج کی گئی ہے۔
انہوں نے کہا کہ اس طرح کے سینٹر کے لیے سرکاری دفتر یا اچھے مدارس میں بھی سینٹر بنائے جا سکتے ہیں، تاکہ دور دراز کے لوگوں کو اس کام کے لئے لکھنؤ نہیں آنا پڑے۔
انہوں نے کہا کہ لکھنؤ کے علاوہ وارانسی اور غازی آباد میں بھی جلد حج ہاؤس کا افتتاح کر دیا جائے گا۔ مسٹر منوج سنگھ نے مزید بتایا کہ غازی آباد میں اس برس حج ہاؤس کا افتتاح ہوسکتا ہے۔
جہاں تک ورانسی کے حج ہاؤس کا سوال ہے تو وہاں کے لیے زمین تلاش کی جارہی ہے تاکہ جلد ہی حج ہاؤس تعمیر کیا جا سکے۔
خیال رہے کہ ابھی لکھنؤ سے حج 2019 میں 34 ہزار سے زائد عازمین حج مقدس سفر پر گئے تھے اور اس میں اضافہ کرکے 50 ہزار کرنے کی امید کی جا رہی ہے۔
چیف سیکریٹری نے کہا ککہ آن لائن کے ذریعے کسی کو بھی کوئی پریشانی نہیں ہوگی لیکن اگر کوئی دقت ہو وہ لکھنؤ سینٹر آکر اپنی پریشانی دور کر سکتے ہیں۔
