سہارنپور کے گنگوہ قصبہ میں تقریبا درجنوں گوشت کی دکانوں پر ایس ڈی ایم کی قیادت میں محکمہ فوڈ اور تھانہ انچارج بھگوت سنگھ پولیس فورس کے ساتھ جانچ پڑتال کے لیے پہنچے تھے۔
غیر قانونی گوشت کی دوکانیں بند ہونگی
محکمہ فوڈ اور تھانہ انچارج کو دیکھنے کے بعد دکان کے مالکوں میں افراتفری کا ماحول پیدا ہوگیا۔ جس کے بعد بہت سے مالکان اپنی اپنی دکانیں بند کرکے فرار ہوگئے۔
فورس کی جانب سے روکنے کے بعد جانچ افسران نے تمام کاروباریوں سے لائسنس دکھانے کو کہا مگر بہت سے دکاندار اپنے لائسنس پیش نہیں کر سکے جس کی وجہ سے ان کی دکانیں سیل کر دی گئیں۔
ایس ڈی ایم کے مطابق ناجائز طریقے سے گوشت کا کاروبار کرنے والوں کے خلاف ایف آئی آر درج کرانے کے احکامات دئے گئے ہیں اور درجن بھر دکانوں کو سیل کر دیا گیا ہے۔
