رواں برس ہونے والے کرکٹ عالمی کپ کے لیے تمام ہی ٹیمیں کمر بستہ ہیں اور اپنی حکمت عملی تیار کرنے میں مصروف ہیں ابھی یہ کہنا قبل از اقت ہوگا کہ کون سی ٹیم عالمی کپ خطاب جیتے گی کیوں کہ کرکٹ ایسا کھیل ہے جس میں کبھی بھی کچھ بھی ہو سکتا ہے۔
اس معاملے میں آسٹریلیا کرکٹ ٹیم کے سابق کپتان رکی پونٹنگ نے بھارتی کپتان وراٹ کوہلی کی تعریف کرتے ہوئے کہا کہ اگر جکوہلی کا بلہ چلا تو بھارت عالمی کپ کا خطاب بآسانی جیت سکتا ہے۔
پونٹنگ نے مزید کہا کہ وراٹ کوہلی کا موازنہ سچن سے کرنا جلد بازی ہوگی۔
انہوں نے کہا کہ سچن آل ٹائم بیسٹ ہیں لیکن دونوں کا موازنہ کرنا فی الوقت صحیح نہیں ہے۔
پونٹنگ نے کہا کہ وراٹ اسکوائر آف دی وکٹ زیادہ کھیلتے ہیں جبکہ سچن سیدھے شاٹس زیادہ کھیلتے تھے۔ دونوں کھلاڑی اپنا فطری کھیل کھیلنے میں ماہر ہیں۔
حالاںکہ پونٹنگ کی بات سولہ آنے سچ ہے کیوں کہ بھارتی کرکٹ ٹیم کا زیادہ انحصار وراٹ کوہلی پر ہی ہوتا ہے اور اگر وراٹ کوہلی اپنی کارکردگی کو یوں ہی برقرار رکھیں گے تو عالمی کپ جیتنا بھارت کے آسان ہوگا۔
