اس موقع پر کلراج مشر نے سماجی دوری کے ذریعہ لوگوں کو مبارکباد دیتے ہوئے کہا کہ' 14 ستمبر 1949 کو ہندی کو بھارت کی سرکاری زبان قبول کیا گیا۔
آئین کی دفعہ 343(1) کے مطابق بھارتی آئین کی سرکاری زبان ہندی اور اسکرپٹ دیوناگری ہے۔اسے تازہ رکھنے کےلئے ہر برس 14 ستمبر کو 'یوم ہندی' کے طورپر منایا جاتا ہے۔
اس موقع پر وزیر اعلی اشوک گہلوت نے کہا کہ' ہندی صرف ایک زبان نہیں، بلکہ ہماری ثقافت کا ایک اہم حصہ ہے۔ ہندی ہمارے ملک کے اتحاد اور سالمیت کی اہم کڑی ہے۔ہمیں اپنے روزانہ کے برتاؤ میں ہندی زبان کا زیادہ سے زیادہ استعمال کر کے اس کو بڑھانے میں تعاون کرنا چاہئے۔'
بھارتیہ جنتاپارٹی کی قومی نائب صدر اور سابق وزیراعلی وسندھرا راجے نے سبھی کو یوم ہندی کی مبارکباد دی اور کہا کہ' سرکاری زبان ہندی نے صدیوں سے بھارت کی ترقی میں اہم کردار ادا کیا ہے اور آزادی کی لڑائی سے لے کر بھارت کے تعمیر نو تک ملک کے عوام کو اتحاد کے دھاگے میں باندھنے کا کام کیا ہے۔
سابق نائب وزیراعلی سچن پائلٹ نےبھی مبارکباد دی اور اس موقع پر کہا کہ' ہماری سرکاری زبان ہندی اپنی خوبصورتی اپنے ادب کے لئے پوری دنیا میں جانی جاتی ہے۔ہندی ادبی ثقافت اور روایت کی علمبردار ہے جو پورے ملک کو اتحاد کے دھاگے یں پروتی ہے۔ہندی انسان کے برتاؤ ،خیالات اور زندگی جینے کا اہم ذریعہ ہ'۔
مزید پڑھیں:
'ملک کے باشندے زیادہ سے زیادہ ہندی استعمال کرنے کا عزم کریں'
اسی طرح بی جے پی کے ریاستی صدر ستیش پنیا نے بھی سبھی کو مبارکباد دی۔ اس موقع پر پنیا نے ہندی کی ترقی کے لئے مختص لوگوں کا شکریہ ادا کرتے ہوئے کہا کہ سب کو، علم اور ادب کے ذخیرے سے مالا مال ہماری ہندی کا زیادہ سے زیادہ استعمال کرکے اس کے تحفظ کا عزم کرنا چاہئے۔
