پوری دنیا چین کے شہر ووہان سے پھیلے کورونا وائرس سے لڑ رہی ہے۔ اس وائرس کا ابھی تک کوئی علاج نہیں مہیا کرریا جاسکا ہے حالانکہ اب تک کی رپورٹ اور جانچ سے یہ بات واضح ہوتی ہے کہ کورونا وائرس سانس کے نظام کو سب سے زیادہ متاثر کرتا ہے۔
اس وائرس کے علاج کے لیے مستقل تحقیق کی جارہی ہے۔ مطالعات سے پتہ چلتا ہے کہ دل کے مریضوں کو اس انفیکشن کا سب سے زیادہ خطرہ ہوتا ہے۔
رپورٹ کے مطابق صرف 20 فیصد کورونا وائرس سے متاثرہ افراد کو شدید علامات کی وجہ سے اسپتال میں داخل کرنے کی ضرورت ہے۔
اسپتال میں داخل ہونے والے زیادہ تر لوگوں کو سانس کی بیماریاں ہیں جیسے سانس کی قلت، نمونیہ تاہم حالیہ مطالعات سے ثابت ہوا ہے کہ کووڈ19 کی وجہ سے اسپتال میں داخل ہونے والے 10 سے 20 فیصد افراد دل کی شدید بیماری میں مبتلا ہیں۔
پہلے ہی دل کی بیماری میں مبتلا کووڈ 19 مریضوں کو دل کا دورہ پڑنے اور دل کے فیل ہونے کا زیادہ امکان رہتا ہے۔
ماہرین کا خیال ہے کہ نمونیہ کی وجہ سے مریض کے اندر پہلے ہی آکسیجن کی سطح کم ہے اور وائرل انفیکشن عام طور پر دل پر زیادہ تناؤ ڈالتا ہے لہذا دل فیل ہونے کے امکانات زیادہ ہوتے ہیں.
خیال کیا جاتا ہے کہ کووڈ 19 مریضوں کو ایک اور قلبی مرض میوکارڈائٹس کا بھی شکار ہوتا ہے۔ اس بیماری میں دل کے عضلات میں سوجن ہوجاتی ہے۔
کووڈ 19 انفیکشن کے دوران دل کے عضلات کو کمزور کرنا شروع کردیتا ہے لیکن یہ پوری طرح سے واضح نہیں ہے کہ یہ کورونا کی وجہ سے ہے یا نہیں۔
یہ خیال کیا جاتا ہے کہ کووڈ 19 جسم کے مدافعتی ردعمل کو غیر جانبدار کرتا ہے اس کی وجہ سے عضلات کمزور ہوجاتے ہیں۔
اس مسئلہ کی اصل وجہ پوری طرح سے معلوم نہیں ہے لہذا ڈاکٹروں کو اس بیماری کے علاج کے بارے میں یقین نہیں ہے۔
رپورٹ کے مطابق کووڈ۔19 میں دل کی بیماری سے متاثرہ 10 فیصد افراد مردہ ہو جاتے ہیں اور صرف ایک فیصد لوگ ہی کورونا سے متاثر ہوکر موت کا شکار ہوتے ہیں۔
اس لیے دل سے متعلق بیماریوں میں مبتلا افراد کے لئے کوئی خاص ہدایت نامہ موجود نہیں ہے۔ انہیں کووڈ۔19 سے متاثر ہونے سے بچنے کے لیے تمام احتیاطی تدابیر پر سختی سے عمل کرنا چاہئے۔
