ڈاکٹر ہرش وردھن نے یہاں وزارت کے سینیئر افسران کے ساتھ ایک میٹنگ میں بہار میں دماغی بخار کی وجہ سے پیدا ہوئی صورت حال کا جائزے لیا۔
بعد ازاں انہوں نے کہا کہ یہ ہسپتال مرکز ی اسکیم کے تحت بنایاجائیگا۔
انھوں نے مزید کہا کہ 'دماغی بخار کی وجہ سے سنیچر کو ایک اور مریض کی موت ہوگئی اور ایک نئے مریض کو ہسپتال میں داخل کرایا گیا ہے۔
غور طلب ہے کہ ابھی کرشنا میڈیکل ہسپتال میں 84 مریضوں کا علاج جاری ہے، جن میں سے چار کی حالت سنگین ہے۔
وزیرصحت نے کہا کہ مرکز کی ٹیم گزشتہ ایک ہفتے سے مظفر پور میں خیمہ زن ہے۔ ریاست اور ضلع انتظامیہ کی مدد سے یہ ٹیم لوگوں میں بیداری پیدا کررہی ہے۔ علاوہ ازیں پرائمری ہیلتھ سنٹرز میں سہولیات میں اضافہ کیاجا رہا ہے ۔
صحت اور خاندانی بہبود کی مرکزی وزارت میں ایڈیشنل سکریٹری منوج جھالانی نے دیگر سینیئر افسران کے ساتھ مظفر پور کے کئی ہسپتالوں کا دورہ کیا اور صورت حال کاجائزہ لیا۔
