عازمین حج کے لیے ٹریننگ پروگرام

ریاست اترپردیش کے بریلی میں واقع ایک اسکول کےاحاطہ میں بدھ کے روزعازمین حج کے لیے ٹریننگ کیمپ منعقد کیا گیا۔

بریلی حج سیوا کمیٹی کی جانب سےیہ کیمپ منعقد کیا گیا۔
اس موقع پر ارکان حج کی ادائیگی سے متعلق تفصیلات سے واقف کرایا گیا۔

اس دوران عازمین حج کو ٹیکہ اور ویکسین دیےگئے، اور سرٹیفکیٹس بھی جاری کیےگئے۔

عازمین حج کو خاص طور پر ٹریننگ میں سمجھایا گیا کہ سعودی عرب میں کسی بھی مقام کی لوکیشن سمجھنا ہو یا پھر اپنی کسی دیگر پریشانی کے لیے خادم الحجاج سے رابطہ کرنا ہو تو اسکے لیے کاونسل جنرل آف انڈیا جدہ نے لاکھوں عازمین حج کو بہتر سہولیات مہیا کرانے کے لیے ایچ سی او آئی ایک موبائل ایپ کو متعارف کیا ہے۔ ایچ سی او نام کے اس ایپ کے ذریعے حاجی سیدھے بھارتی حج دفتر سے منسلک رہ سکیں گے۔