محترمہ واڈرا نے ٹویٹ کے ساتھ ایک ویڈیو شیئرکرتے ہوئے کہا کہ 'پولیس اہلکار جامعہ کی لائبریری میں طلبا کو پیٹ رہے ہیں جبکہ دہلی پولیس اور مسٹر شاہ کا کہنا ہے کہ پولیس نے کسی بھی طالب علم کو نہیں پیٹا ہے۔'
پرینکا گاندھی نے کہا کہ 'دیکھئے کیسے دہلی پولیس پڑھنے والے طلبا کو اندھادھند پیٹ رہی ہے۔'
ایک لڑکا کتاب دکھارہا ہے لیکن پولیس والے لاٹھیاں چلائےجارہے ہیں۔ وزیر داخلہ اور دہلی پولیس کے افسروں نے جھوٹ بولا کہ انہوں نے لائبریری میں گھس کر کسی کو نہیں پیٹا۔
اس ویڈیو کو دیکھنے کے بعد جامعہ میں ہوئے تشدد کے تعلق سے اگر کسی پر ایکشن نہیں لیا گیا تو حکومت کی نیت پوری طرح سے ملک کے سامنے آجائےگی'۔
اس دوران سماجوادی پارٹی نے بھی ایک ٹویٹ کرکے اس معاملے میں عدالت کی مداخلت کا مطالبہ کیا ہے۔
مزید پڑھیں:شاہین باغ: تمام مظاہرین کو امت شاہ سے ملاقات کی اجازت نہیں
پارٹی نے کہاکہ' دہلی پولیس کا بھیانک چہرہ بے نقاب ہوا ہے، وزیر داخلہ کے حکم پر جامعہ لائبریری میں پڑھائی کرنے والے بےقصور طلبا پر پولیس نے وحشیانہ کارروائی کرتے ہوئے لاٹھی چار کی سماجوادی پارٹی اس کی مذمت کرتی ہے۔انہوں نےعدالت سے نوٹس لے کر کارروائی کی اپیل کی ہے'۔
