الفابیٹ اور گوگل کے سی ای او سندر پیچائی نے گیو انڈیا کو پانچ کروڑ روپے کا چندہ دیا ہے، اس کے ساتھ ہی غیر سرکاری تنظیم گیو انڈیا کے پاس 12 کروڑ روپے جمع ہوگئے ہیں۔
گیو انڈیا اب یہ پیسا ملک میں غیرب اور ضرورت مند افراد پر خرچ کرے گی۔
گیو انڈیا نے ٹویٹر پر کہا 'سندر پچائی آپ کا بہت شکریہ، آپ نے گوگل کی طرف سے ہمیں پانچ کروڑ روپیہ چندہ دیا ہے، ہم اس پیسے کو دہاڑی مزدوروں اور ضرورت مندوں پر خرچ کریں گے'۔
گذشتہ ماہ سندر پچائی نے اعلان کیا تھا کہ کمپنی چھوٹے کاروباریوں، طبی اداروں، حکومتوں اور طبی عملہ کی مدد کے لیے 800 ملین ڈالر خرچ کرے گی۔
گوگل کی جانب سے کہا گیا ہے 'سبھی غیر سرکاری تنظیموں کی مدد کے لیے کمپنی 200 ملین ڈالر دنیا بھر میں تقسیم کرے گی۔
دنیا بھر میں کووڈ-19 کا قہر جاری ہے، اس بیچ پوری دنیا میں بڑے ادارے متعدد ممالک کو مدد فراہم کر رہے ہیں۔
اس کے علاوہ ممالک بھی ایک دوسرے کی مدد کررہے ہیں۔ حال ہی میں بھارت نے ملیریا مریضوں پر استعمال ہونے والی دوا کو دنیا بھر کے متعدد ممالک میں ترسیل کیا ہے، یہ دوا ایک ایسی واحد دوا ہے جو کووڈ-19 سے لڑنے کے لیے اب تک سب سے کارآمد ثابت ہوئی ہے۔
