عالمی سطح پر کورونا متاثرین کی تعداد ساڑھے تین کروڑ سے تجاوز

کورونا وائرس سے یومیہ لاکھوں کی تعداد میں لوگ متاثر ہورہے ہیں، مہلک وبأ سے بچنے کے لیے تمام احتیاطی تدابیر کی جارہی ہیں اس کے باوجود وبا کا قہر جاری ہے۔

عالمی سطح پر کورونا وائرس کا قہر جاری ہے۔ اس وبا سے دنیا بھر میں اب تک تین کروڑ 60 لاکھ 45 ہزار 735 افراد متاثر ہوئے ہیں جبکہ 10 لاکھ 54 ہزار 604 مریض اس مہلک وبأ سے ہلاک ہوئے ہیں۔

دنیا بھر میں کورونا متاثرین کی تعداد

اس کے علاوہ عالمی پیمانے پر اس وبأ سے متاثر 2 کروڑ 71 لاکھ 48 ہزار 967 مریض اب تک صحتیاب ہوئے ہیں۔

اس وبأ سے سب سے متاثر امریکہ ہے جہاں 77 لاکھ سے زائد افراد متاثر ہوئے ہیں اور 2 لاکھ 15 ہزار سے زائد اموات ہوئی ہیں۔

وہیں بھارت میں بھی اس وبا سے ایک لاکھ سے زائد افراد کی موت ہوچکی ہے جبکہ 66 لاکھ سے زائد افراد متاثر ہیں۔

دنیا بھر کے ہیلتھ افسران نے انتباہ دیا ہے کہ اگر عوام اس وبأ سے بچنے کے لیے احتیاطی تدابیر پر عمل نہیں کیا تو یہ وبأ مزید تباہی مچا سکتی ہے۔