سابق صدر پرنب مکھرجی کی آخری رسومات سرکاری اعزاز کے ساتھ ادا کی گئیں، قبل ازیں ان کی لاش لودھی روڈ پر واقع شمشان گھاٹ پہنچی۔ مکھرجی کے اہل خانہ اور رشتہ دار کورونا پروٹوکول کے تحت پی پی ای کٹ میں موجود تھے۔ بدھ کو سابق صدر پرنب مکھرجی کی استھیاں ہریدوار میں گنگا میں بہائی جائیں گی، نائب صدر وینکیا نائیڈو ، وزیر اعظم مودی اور وزیر دفاع سمیت متعدد دیگر شخصیات نے پرنب مکھرجی کو خراج تحسین پیش کیا۔
توقع ہے کہ وزیراعلیٰ تریندر سنگھ راوت اور گورنر بیبی رانی موریہ بھی استھیوں کو بہائے جانے وقت وہاں موجود رہیں گی۔
آخری رسومات سے قبل پرنب مکھرجی کی میت کو دارالحکومت میں ان کی سرکاری رہائش گاہ پر رکھا گیا تھا۔ معززین نے ان کی رہائش گاہ پر پرنب مکھرجی کو خراج عقیدت پیش کی۔ وزیر اعظم مودی نے ان کی رہائش گاہ پر پرنب مکھرجی کو خراج تحسین پیش کیا۔
