دہلی کے بسائی پورہ علاقے میں تین دوستوں نے اپنے ہی ایک دوست کو موبائل کے لیے ہلاک کر دیا۔
پولس نے سبھی ملزمین کو گرفتار کر لیا ہے۔ اس کے ساتھ ہی تینوں نے اپنا جرم بھی قبول کر لیا ہے۔
غور طلب ہے کہ 13 جولائ کو موتی نگر پولس اسٹیشن میں وکی نام کے نوجوان کی گمشدگی کی رپورٹ درج کرائی گئی تھی۔
اسی دوران پولس کو خبر ملی کہ دلی کے بسائ پور علاقے میں ایک نامعلوم لاش پڑی ہے۔ پولیس نے لاش کی شناخت وکی کے طور پر کی ہے۔
پولیس کے مطابق ملزمین نے کچھ ہی روز قبل مقتول نوجوان سے دوستی کی تھی۔ ایک روز تینوں نے اسے غیر معروف جگہ پر لے جا کر اس کا موبائل چھیننے کی کوشش کی۔ جب وکی نے اس کی مخالفت کی تو تینوں نے ملکر وکی کو قتل کر دیا۔
پولس نے موبائل اور دیگر چیزیں اپنے قبضے میں لے کر لاش کو پوسٹ مارٹم کے لیے بھیج دیا ہے۔ دہلی پولس کمشنر نے تحقیقات کے بعد مزید کارروائی کی بات کہی ہے۔
