گوا میں 85 سالہ خاتون کی کورونا وائس کی وجہ سے موت ہوگئی ہے۔ پوری ریاست میں اس وبا سے یہ پہلی موت ہے۔
گوا کے وزیر صحت وشوجیت رنے نے کہا کہ 'ایک 85 سالہ خاتون کو چند دن قبل کورونا وائرس مثبت ہوا تھا۔ کورونا سے علاج و معالجہ کے دوران ہی آج (پیر 22 جون) کو ان کی موت واقع ہوگئی ہے۔ یہ ریاست میں کورنا سے موت کا پہلا واقعہ بن گیا'۔
ریاستی حکومت نے پہلے ہی مورلم گاؤں کو کنٹنمٹ زون نامزد کردیا تھا۔ جو کابینہ رکن وشوجیت پرتاپس سنگھ رین کے اسمبلی حلقہ والپوئی کے تحت آتا ہے۔
وشوجیت پرتاپس سنگھ رین نے نامہ نگاروں کو بتایا ہے کہ 'آج مورلم گاؤں کی ایک 85 سالہ خاتون کی موت ہوگئی۔ ریاست میں یہ پہلی کووڈ 19 سے موت ہے۔ ان کلے افراد خاندان کو میں تعزیت پیش کرتا ہوں'۔
انہوں نے کہا کہ 'ریاستی حکومت گوا کو محفوظ رکھنے کے لئے تمام جدید پروٹوکول پر عمل پیرا ہے'۔
انہوں نے کہا ہے کہ 'کورونا سے نمٹنے کے لیے کووڈ۔19 ٹیم گوا متحد ہے اور پوری کوشش کر رہی ہے۔ سخت طریقے اور پروٹوکول موجود ہیں'۔
رین نے لوگوں سے پرسکون رہنے کی اپیل کی اور کہا کہ 'گوا حکومت ریاست میں کووڈ 19 کے پھیلاؤ پر قابو پانے کے لئے پوری کوشش کر رہی ہے'۔
اتوار کی شام تک گوا میں کوورونا وائرس سے متاثرین کی تعداد 818 ہوگئی۔ ان میں سے 683 متحرک کیسیز ہیں۔
