سڑک حادثہ میں خاتون ہلاک، دو زخمی

مہاراشٹر کے دارالحکومت ممبئی سے متصل پاورلوم صنعتی شہر بھیونڈی میں ایک سڑک حادثے میں ایک خاتون ہلاک اور دو افراد شدید طور سے زخمی ہوگئے ہیں۔ جنہیں مقامی ہسپتال میں داخل کرایا گیا ہے۔

بھیونڈی شہر کے پدمانگر گنیش سنیما علاقے میں بازار جاتے وقت خاتون کو تیز رفتار مالبردار ٹیمپو نے زوردار ٹکر مار دیا اس حادثہ کے دوران خاتون سمیت تین افراد گاڑی کی زد میں آگئے، جب کہ خاتون کی موقع پر ہی موت ہو گئی۔

اس حادثہ میں سریکھا لکشمن 58 برس نامی خاتون کی جائے حادثہ پر ہی موت ہوگئی ہے۔ پولیس نے خاتون کی لاش کا پنچ نامہ کر پوسٹ مارٹم کے لیے آئی جی ایم ہسپتال روانہ کردیا ہے۔

مقامی لوگوں نے ٹیمپو ڈرائیور کو پکڑ کر پولیس کے حوالے کردیا۔ پولیس نے ڈرائیور کے خلاف متعدد دفعات کے تحت مقدمہ درج کر تحقیقات شروع کردی ہے۔