اس بارش سے کٹی ہوئی مرچ کی فصل تر ہوگئی کیونکہ کسانوں نے مرچ کو خشک کرنے کے لئے کھلے آسمان کے نیچے رکھا تھا تاہم بے موسم ہوئی بارش نے ان کی فصل کو خراب کردیا۔
ایسے ہی ایک کسان کا کہنا ہے کہ اچانک ہوئی اس بارش کے نتیجہ میں ان کی مرچ تر ہوگئی۔اس وقت وہ سورہا تھا۔اس نے کہاکہ جب اس کی آنکھ کھلی تو اس نے اس مرچ کو ڈھانکنے کی کوشش کی تاہم اس کی کوشش رائیگاں ثابت ہوئی۔
ایک اور کسان نے کہاکہ تارپولین کور مرچ کے لئے دستیاب نہیں تھے۔اس کسان نے کہا کہ جاریہ سال اس نے قرض کے بوجھ سے نکلنے کی توقع کی تھی تاہم بارش کے نتیجہ میں اس کی فصل بھیگ گئی اور اس بارش نے اس کی ساری امیدوں پر پانی پھیر دیا۔
اس کسان نے کہاکہ ریاستی حکومت کو چاہئے تھا کہ وہ تارپولین سپلائی کرتی تاہم اس نے ایسا نہیں کیا۔اسی دوران پالیر کے رکن اسمبلی کے اوپیندر نے متاثرہ علاقوں کا معائنہ کیا اور کسانوں سے ہمدردی کا اظہار کیا۔
انہوں نے محکمہ زراعت کے عہدیداروں سے خواہش کی کہ وہ اس نقصان کا تخمینہ تیارکریں اور اسے حکومت کو بھیجیں۔انہوں نے یہ بھی یقین دہانی کروائی کہ حکومت کی طرف سے کسانوں کی مدد کی جائے گی۔
