کیرالہ: بارود کے گودام میں دھماکہ، دو تارکین وطن مزدور ہلاک

کیرالہ میں کوچی کے بارود گودام میں ایک دھماکے میں دو تارکین وطن مزدور ہلاک ہوگئے۔

کیرالہ میں کوچی کے ملیا تور میں میں واقع نجی بارود گودام میں پیر کے روز ہوئے ایک دھماکے میں دو تارکین وطن مزدور ہلاک ہوگئے۔
پولیس ذرائع نے بتایا کہ ہلاک ہونے والے افراد تمل ناڈو کے رہائشی تھے۔ دھماکے کے باعث عمارت مکمل طور پر تباہ ہوگئی۔
ذرائع کے مطابق ، اس حادثے کا نشانہ بنے پیرینن اور دھن پلن کی لاشوں کو پوسٹ مارٹم کے لئے انگامیلی کے ایک نجی اسپتال بھیج دیا گیا ہے۔
ابھی تک ، اس حادثے کی وجوہات کا پتہ نہیں چل سکا ہے۔ واقعے کی اطلاع ملتے ہی پولیس اور محکمہ فائر کے اہلکار موقع پر پہنچ گئے ہیں۔