یہ مکتب روزانہ صرف ایک گھنٹے تک جاری رہتا ہے جہاں بچوں کو بنیادی شرعی مسائل، دعائیں، اذکار و دیگر اخلاقیات سکھائے جاتے ہیں۔
خاص بات یہ ہے کہ اس مکتب میں خصوصی طور پر علاقے کے وہ بچیاں اور بچے دینی تربیت حاصل کررہے ہیں جو انگریزی میڈیم اسکولوں میں تعلیم حاصل کر رہے ہیں۔
مکتب ممتاز و جبار میں ہر برس ایک ایگزیبیشن (نمائش) کا اہتمام کیا جاتا ہے جس میں اسلامی تاریخ سے منسلک مختلف موضوعات کے ڈھانچے اور پراجیکٹ بنائے جاتے ہیں اور اسلامی تاریخ کے پہلوؤں کو اجاگر کیا جاتا ہے۔
انگریزی میڈیم اسکولز کی بچیوں کا اسلامی تاریخ سے بے مثال لگاؤ
اس مرتبہ مکتب ممتاز و جبار میں 'تاریخ خلفائے راشدین' کے موضوع پر نمائش کا اہتمام کیا گیا جس میں بچیوں نے مذکورہ موضوع کے متعلق دلچسپ و مختلف موڈل و پراجیکٹ بنائے اور اس تعلق سے نمائش میں آنے والے افراد کو تفصیلات بتائیں۔
