اطلاعات کے مطابق پیر میں گولی لگنے سے دونوں بدمعاش زخمی ہوگئے۔
واقعہ ضلع میرٹھ کے روہٹہ تھانہ علاقے کے پھوٹ خاص گاؤں کے پاس واقع جنگل کا ہے۔ جہاں پولیس اور بدمعاشوں کے درمیان تصادم ہوا جس میں دو بدمعاشوں کے پیر میں گولی لگنے کی اطلاع ہے۔
پولیس اور بدمعاش کے درمیان انکاؤنٹرکا ویڈیو دیکھیں
پولیس کا دعوی ہے کہ خفیہ اطلاع پر پولیس نے جنگل میں چھاپہ مارا، پولیس جب موقعے پر پہنچی توسبھی بدمعاشوں گئوکشی میں مصروف تھے۔ پولیس کو دیکھتے ہی بدمعاشوں نے فائرنگ شروع کر دی۔ دفاع میں پولیس نے بھی فائرنگ کی جس میں دو بدمعاش کے پیر میں گولی لگ گئی جس کے بعد پولیس نے دونوں کو حراست میں لے لیا۔
ملزمان کی شناخت نعیم ابن حنیف فرید نگر تھانہ بھوجپور غازی آباد، نفیس سنگھاڑا میرٹھ اورآصف ابن جمیل میرٹھ کے طور پر ہوئی ہے۔
