سابق صدر جمہوریہ پرنب مکھرجی نے الیکٹرانک ووٹنگ مشینوں میں مبینہ دھاندلی کی رپورٹوں پر تشویش ظاہر کرتے ہوئے کہا کہ یہ مشینیں انتخابی کمیشن کی حفاظت میں ہیں اور ان کے تحفظ کو یقینی بنانا اور سبھی قیاس آرائیوں کو بے بنیاد ثابت کرنا الیکشن کمیشن کی ذمہ داری ہے۔
مکھرجی نے اس سے پہلے پیر کے روز ایک تقریب میں خوش اسلوبی سے انتخابات مکمل کرنے پر انتخابی کمیشن کی تعریف کی تھی۔
سابق صدر جمہوریہ نے آج ایک بیان میں کہاکہ ملک کی جمہوریت کی اصل بنیاد کو چیلنج کرنے والی قیاس آرائیوں کے لیے کوئی گنجائش نہیں ہوسکتی۔
ان کا کہنا تھا:'عوامی فیصلہ مقدس ہوتا ہے اور اسے کسی بھی شکوک وشبہات سے پاک ہونا چاہئے'۔
انھوں نےمزید کہاکہ انھیں آئینی اداروں پر پورا بھروسہ ہے اور اسی لیے ان کی مثبت رائے ہے کہ ادارے کو چلانے والے لوگ ہی یہ فیصلہ کرتے ہیں کہ اسکے سبھی شعبے کیسے کام کریں۔
مکھرجی نے کہاکہ اس معاملہ میں ادارے کی متعبریت کو یقینی بنانا انتخابی کمیشن کی ذمہ داری ہے اور اسے ایسا کرکے ہرطرح کی قیاس آرائیوں کو ختم کرنا چاہئیے۔
