ادھمپور کے آدرش کالونی عید گاہ پر ہزاروں مسلمانوں نے نماز ادا کی اور ملک میں امن و امان کے لیے خصوصی دعا کی۔
ملک کے موجودہ حالات اور آپسی بھائی چارہ کے لیے فرزندان توحید نے خصوصی دعا کی۔
ضلع انتطامیہ نے ضلع بھر میں عید کے لیے انتظامات کیے۔جموں میں آج بھی انٹرنیٹ خدمات معطل ہیں۔
ادھمپور میں نماز عیدالضحی ادا کی گئی
دفعہ 370 کی منسوخی کے بعد جموں و کشمیر میں کرفیو نافذ کیا گیا تھا، تاہم ضلع جموں میں کرفیو ہٹایا گیا اور وادی کشمیر میں کرفیو بدستور جاری ہے ۔
واضح رہے کہ 5 اگست کو مرکزی حکومت کی جانب سے جموں و کشمیر کو خصوصی حیثیت فراہم کرنے والی دفعہ 370 اور 35 اے کو ختم کر کے ریاست کو دو حصوں میں تقسیم کیا۔
حکام نے ریاست کی آئینی حیثیت ختم کرنے سے قبل ریاست کے درجنوں رہنماؤں کو حراست میں لے لیا ہے اور انٹرنیٹ اور تمام مواصلاتی رابطے کو بند کرکے غیر اعلانیہ کرفیو نافذ کیا گیا۔
