گلبرگہ میں'کنز یومر رائٹ آر گنائزیشن' نامی سماجی تنظیم کی طرف سے اہم پہل کرتے ہوئے بائیک سواروں کو روک روک کر مفت ہیلمیٹ تقسیم کیا گیا۔
ٹریفک پولیس کی موجودگی میں تنظیم کے ذمہ داران اور کارکنان نے لوگوں کو روک روک کر ہیلمیٹ تقسیم کیا۔ ٹریفک پولیس نے تنظیم 'کنز یومر رائٹ آر گنائزیشن' کا بھرپور تعاون کیا اور ان کے اس بہترین کام کی ستائش کی۔
اس موقع پر تنظیم کی ذمہ دار مہیشوری والی نے موٹر بائیک گاڑیاں چلانے والوں پر زور دیا کہ وہ گاڑی چلاتے وقت لازماً ہیلمیٹ پہنیں،اپنے لیے نہ صحیح اپنے بیوی بچوں کے لیے پہن کر اپنی حفاظت خود کرنے کی کوشش کریں، کیوں کہ ہیلمیٹ پہن کر گاڑی چلانے سے آپ حادثات سے محفوظ رہ سکتے ہیں۔
وہیں علاقے میں ہر کوئی اس پہل کی خوب تعریف کر رہا ہے، کہ اس طرح کا منفرد کام سماج کے لیے مثالی ہے۔ اس سے پورے ملک کے لوگوں میں ایک مثبت پیغام جائے گا۔
اس موقع پر اے سی پی ٹریفک گلبرگہ، ویزن کے سرکل انسپیکٹر ٹریفک شانتی ناتھ، ٹریفک سب انسپیکٹر بھارتی، محی الدین پٹیل اور ساجد علی رنجولی سمیت دیگر افراد اس پروگرام میں شامل تھے۔
