دیپیکا پڈکون کا جے این یو جانا ملک سے غداری: بی جے پی رکن پارلیمنٹ

بی جے پی کے رکن پارلیمنٹ اچھیور لال گور نے بیان دیا ہے کہ دیپیکا پڈکون کا جواہر لال نہرو یونیورسٹی جانا اور طلبہ کی حمایت کرنا ملک سے غداری ہے۔

واضح رہے کہ ملک بھر میں دیپیکا کے اس اقدام کو سراہا جارہا ہے اور بعض لوگ اس کی مخالفت بھی کررہے ہیں۔ دیپیکا نے گذشتہ دنوں جے این یو میں طلبہ پر ہوئے پر ہوئے حملہ کے بعد جے این یو پہنچ کر طلبہ کے ساتھ اظہار یگانگت کیا تھا۔

آج بہرائچ کے بی جے پی کے رکن پارلیمنٹ اور سابق ریاستی وزیر اچھیور لال گور نے جے این یو میں دیپیکا پڈکون کی موجودگی اور طلبہ کی حمایت پر کہا کہ ان کا وہاں جانا اور طلبہ کی حمایت کرنا ملک سے غداری کرنے کے برابر ہے۔

انہوں نے کہا کہ فلم اداکار پیسوں کے لیے کچھ بھی کرسکتے ہیں۔ اگر انہیں پیسے دے کر ہنسنے کے لیے کہا جائے تو وہ ہنسیں گے اور اگر رونے کے لیے کہا جائے تو وہ روئیں گے۔ انہیں جو بھی رول دیا جائے وہ کریں گے۔ رکن پارلیمنٹ نے کہا کہ وہ دیپیکا کے جے این یو جانے کے معاملے کو کوئی اہمیت نہیں دیتے۔