مہم منیجمنٹ جین ڈلن نے ایک بیان میں کہا کہ 'ہمیں مسٹر بائیڈن کے ڈاکٹرز اور مہم کے طبی مشیروں نے مشورہ دیا تھا کہ سابق نائب صدر کو قرنطین میں جانے کی ضرورت نہیں ہے'۔
مسٹر بائیڈن نے جس طیارے میں سفر کیا اس میں ایک شخص بھی تھا جو کورونا وائرس سے متاثر ہوا تھا۔
سفر کے دوران مسٹر بائیڈن متاثرہ شخص کے اتنے قریب نہیں تھے کہ ان کو قرنطین کرنا پڑے لیکن احتیاط کے طور پر ان کی کورونا وائرس کی جانچ کرائی گئی۔
اس سے قبل بائیڈن کے ری پبلکن حریف اور امریکی صدر ڈونلڈ ٹرمپ کورونا وائرس سے متاثر ہوچکے ہیں۔
ٹرمپ نے صحت یاب ہونے کے فوراً بعد ہی اپنی انتخابی مہم دوبارہ شروع کردی ہے۔
دریں اثنا، ڈیموکریٹک نائب صدارتی امیدوار کملا ہیرس نے اپنا دورہ ملتوی کردیا ہے کیونکہ ان کے ساتھ سفر کرنے والے دو افراد کورونا وائرس سے متاثر پائے گئے ہیں۔
