خواتین کمیشن برائے دہلی کی سربراہ سواتی مالیوال نے دہلی پولیس کو نوٹس جاری کرتے ہوئے اسکالر صفورہ زرگر کی کردارکشی کرنے والے عناصر کے خلاف کاروائی کی ہدایت دی۔
خواتین کمیشن کی مداخلت دہلی پولیس کے اسپیشل سیل کمشنر کو مکتوب لکھ کر صفورہ زرگر کا کردار خراب کرنے اور اس کے حمل کے تعلق سے سوشل میڈیا پر نازیبا اور سطحی پوسٹ لکھنے والوں کے خلاف کیس درج کرنے اور انہیں گرفتار کرنے کی ہدایت دی ہے۔
دہلی خواتین کمیشن کی سربراہ سواتی مالیوال نے صفورہ کے تعلق سے بھدے اور گندے آن لائن پوسٹ کو ہٹانے کو کہا۔ اور دہلی پولیس کو ہدایت دی کہ ایسے تبصروں کو ہٹانے کے کیا طریقے ہو سکتے ہیں، اس کے بارے میں بتایا جائے۔
زرگر کو دہلی فسادات میں ملوث ہونے کے الزام میں گرفتار کرکے جیل میں ڈالا گیا ہے اور اس وقت وہ حاملہ ہیں۔
ان کے تعلق سے سوشل میڈیا پر کچھ لوگ نازیبا اور سطحی ریمارکس کئے ہیں اور مذکورہ اسکالر کی کردار کشی کی کوشش کی ہے۔
