وزیراعظم نریندر مودی کی ہدایت پر ان کے پرنسپل سکریٹری نے اس اعلی سطحی میٹنگ کی صدارت کی۔ وزیراعظم کے دفتر نے بتایا کہ میٹنگ کے دوران حکام نے انہیں گزشتہ دنوں اس معاملہ میں ہوئی پیش رفت، وائرس کو پھیلنے سے روکنے کی تیاریاں اور اس سے نپٹنے کے لیے کیے اقدامات کی معلومات دی۔
خیال رہے کہ ملک میں کورونا وائرس کے چار مشتبہ معاملات سامنے آئے تھے حالانکہ ان کے نمونوں کی جانچ کے بعد کسی بھی معاملہ میں مریض کو اس وائرس سے متاثر نہیں پایا گیا۔ چین میں اس وائرس کے انفکشن کے وبا کی شکل اختیار کرلینے کے بعد ملک کے 19ہوائی اڈوں پر چین سے آنے والے مسافروں کی تھرمل اسکریننگ کی جارہی ہے۔
اب تک سات ہوائی اڈوں پر 115 پروازوں سے آئے 20 ہزار مسافروں کی جانچ کی جاچکی ہے۔ 12 دیگر ہوائی اڈوں پر مسافروں کی جانچ شرو ع کرنے کی ہدایت جمعہ کو جاری کی گئی ہے۔
وزارت صحت کے حکام نے آج ہوئی میٹنگ میں ہسپتالوں اور نمونوں کی جانچ کرنے والی لیباریٹریوں کی تیاریوں سے وزیراعظم کے پرنسپل سکریٹری کو واقف کرایا۔ انہوں نے شہری ہوابازی وزارت کی طرف سے تھرمل اسکریننگ اور دیگر بچاو اقدامات کا بھی میٹنگ میں جائزہ لیا۔
میٹنگ میں کابینی سکریٹری، داخلہ سکریٹری، خارجہ سکریٹری، دفاعی سکریٹری، صحت او ر خاندانی فلاح و بہبود کے سکریٹری، شہری ہوابازی کے سکریٹری اور مختلف محکموں کے کئی دیگر سکریٹری موجود تھے۔
